Në bazë të Ligjit Nr. 08/L – 197 për zyrtarët publikë, Neni 39 (1,2,3,4,5 dhe 6) dhe Rregullores (QRK) NR. 15/2023 për pranimin dhe karrierën në shërbimin civil të Republikës së Kosovë, Neni 5 Komuna Istog shpall:

Konkurs

Aplikimi është i hapur për të gjithë kandidatët e interesuar.

Emri i grupit : Grupi i administrimit të përgjithshëm

Titulli i pozitës së punës: Zyrtar për të Drejta dhe Integrim të Komuniteteve

Klasa e pozitës: Profesional 3

Koeficienti/Paga: 4.9

Nr. i kërkuar : 1

Kohëzgjatja e emërimit : Emërim me afat të pacaktuar

Data e njoftimit: 01/11/2024

Afati për aplikim: 02/11/2024 - 01/12/2024

Institucioni: Komuna Istog

Departamenti: Zyra Komunalee Komuniteteve

Divizioni

Vendi i punës: Zyra Komunalee Komuniteteve

Nr. i Referencës : RN00015708

Kodi: RPC0009247

Përshkrimi i përgjithshëm i punës

1. Krijon dhe mban kontakte të rregullta me komunitetet jo shumicë, personat e zhvendosur, të kthyerit, dhe personat e riatdhesuar, si dhe ndërlidhja me komunat, autoritetet qendrore si dhe institucionet komunale për të mbështetur integrimin dhe të drejtat e tyre;
2. Promovon dhe shpërndan informata mbi të drejtat e komuniteteve dhe personave të zhvendosur, të kthyer dhe të riatdhesuar, përfshirë organizimin dhe mbajtjen e fushatave informuese dhe edukative;
3. Vlerëson nevojat specifike të komuniteteve dhe të personave të zhvendosur, duke marrë parasysh grupet e ndjeshme si gratë, fëmijët, dhe pleqtë, dhe ofron mbështetje të nevojshme për të adresuar këto nevoja;
4. Mundëson qasjes së lehtësuar për komunitetet jo shumicë dhe personat e zhvendosur në shërbimet publike, përfshirë arsimin, shëndetësinë, strehimin dhe shërbimet sociale;
5. Zhvillon, zbaton dhe mbikëqyr projektet që synojnë mbrojtjen e të drejtave dhe interesave të personave të zhvendosur dhe të personave që kthehen ose riatdhesohen në komunë;
6. Ndihmon Udhëheqësi e Sektorit në ndërlidhjen me institucionet e qeverisë qendrore, organizatat ndërkombëtare dhe të shoqërisë civile për të siguruar një bashkëpunim efektiv dhe të gjerë për mbështetjen
7. Mbikëqyr zbatimin e politikave dhe masave për mbrojtjen dhe promovimin e të drejtave të komuniteteve dhe personave të zhvendosur dhe përgatit raporte të rregullta për të monitoruar progresin dhe sfidat.
8. Kryen edhe detyra tjetër në përputhje me ligjet dhe rregulloret të cilat mund të kërkohen në mënyrë të arsyeshme kohë pas kohe nga mbikëqyrësi;

Kriteret e përgjithshme për pranimin në detyrë, sipas nenit 9 të LZP-së

• Të jetë shtetas i Republikës së Kosovës;
• Të ketë zotësi të plotë për veprim, sipas legjislacionit në fuqi;
• Të zotërojë të paktën njërën nga gjuhët zyrtare, në pajtim me Ligjin për Gjuhët;
• Të jetë e/i aftë për të kryer detyrën përkatëse;
• Të mos jetë e/i dënuar për kryerjen e një veprës penale me dashje;
• Të mos ketë në fuqi masë disiplinore për shkelje të rëndë në institucion publik.
• Të ketë arsimin, përvojën e punës profesionale dhe/apo aftësitë e kërkuara për pozitën, kategorinë, klasën apo grupin përkatës.
• Të kaloj me sukses procedurat e pranimit të përcaktuara në këtë ligj.

Kërkesat e përgjithshme formale

Arsimimi i kërkuar: Arsimimi i kërkuar:

Diplomë e arsimit të lartë e nivelit të parë (Bachelor).

• Kërkesat specifike: Certifikata, licenca kur kërkohen me legjislacionin në fuqi.
• Përvoja e punës e kërkuar: Nuk kërkohet.

Njohuritë, aftësitë dhe cilësitë e kërkuara në procedurën e rekrutimit

1. Njohuri bazike profesionale dhe mbështetëse specifike në fushën përkatëse të punës, të fituar përmes arsimimit dhe trajnimeve bazike.
2. Aftësi për të kuptuar dhe zbatuar praktikat operative me procedurat standarde administrative/teknike në një fushë të caktuar.
3. Njohuri lidhur me procedurat standarde administrative/teknike në një fushë të caktuar.
4. Aftësi për të punuar me vetë iniciativë në kuadër të planeve dhe procedurave të përcaktuara.
5. Shkathtësi të mira të komunikimit, përfshirë aftësinë për të dhënë udhëzime dhe përcjellë informata tek të tjerët.
6. Shkathtësi kompjuterike në aplikacione të programeve (Word, Excel, Power Point).

Dokumentet që duhet të dorëzohen si pjesë e aplikimit dhe mënyrën e dorëzimit të tyre

• Kopjen e letërnjoftimit/pasaportës/certifikatës së shtetësisë së Republikës së Kosovës.
• Kopjen e diplomës të kërkuar me konkurs të lëshuar nga institucionet arsimore të Republikës së Kosovës. Nëse diploma është fituar jashtë vendit, vërtetimin e nostrifikimit të diplomës së fituar apo aktin që dëshmon se diploma e fituar është në procedurë të nostrifikimit, me kusht që nostrifikimi i diplomës të dorëzohet deri në momentin e nënshkrimit të aktit për emërim në pozitë;
• Kopjet e dëshmisë së punësimit(vërtetim/kontratë) të lëshuar nga institucioni përkatës i punësimit për përvojën e punës, që përcakton pozitën e punës si dhe kohëzgjatjen e angazhimit në atë pozitë.Dëshmisë e punësimit jashtë institucioneve publike duhet të mbështet së paku njëra nga dëshmitë si në vijim: pasqyra e pagesave në fondin e kursimeve pensionale apo pasqyra e pagesave të obligimeve tatimore në përputhje me legjislacionin tatimor për të ardhurat personal.
• Dëshmi që nuk ka në fuqi masë disiplinore për shkelje të rëndë në institucion publik (Kanidatët që janë të punësuar apo kanë qenë të punësuar në institucione publike).
• Dëshmitë e trajnimeve profesionale të ndjekura apo trajnimeve që aplikuesi i ka realizuar në cilësinë e trajnuesit.
• Kopjet e dokumenteve tjera që provojnë plotësimin e kushteve për aplikim të përcaktuara në shpalljen e rekrutimit dhe të deklaruara në aplikacion.

Dëshmitë që nuk kërkohen gjatë aplikimit, por në fazën e verifikimit para emërimit

• Certifikatë mbi dënimet penale origjinale e lëshuar nga gjykata përmes së cilës dëshmohet se nuk është i/e dënuar për kryerjen e veprës penale me dashje, jo më të vjetër se(6) muaj nga data e lëshimit.
• Dëshmi se kandidati është i aftë në pikëpamje shëndetësore.
• Dëshmi përkatëse se kandidati ka zotësi të plotë për të vepruar.

Data e daljes së rezultateve të vlerësimit paraprak

• Lista e kandidatëve të cilët plotësojnë kushtet për pranim do të shpallet më së largu deri më datën 16/12/2024, në portalin e rekrutimit elektronik (https://konkursi.rks-gov.net )

Kriteret specifike shtesë

Mënyra e vlerësimit të kandidatëve/aplikantëve

• Testimi me shkrim – maksimumi 70 pikë
• Intervista – maksimumi 30 pikë

Mënyra e njoftimit dhe komunikimit me kandidatët

1. Përmes email dhe portalit për rekrutimi elektronik (https://konkursi.rks-gov.net)

Mënyra e aplikimit

1. Përmes portalit për rekrutimi elektronik (https://konkursi.rks-gov.net)

Data e shpalljes së rezultateve përfundimtare

• Në përfundim të vlerësimit të kandidatëve, fituesi do të shpallet përmes portalit për rekrutimi elektronik

(https://konkursi.rks-gov.net). Të gjithë kandidatët pjesëmarrës në këtë procedurë do të njoftohen individualisht në mënyrë elektronike.

Të dhëna shtesë:

• Pas përzgjedhjes së kandidatit fitues, njësia përgjegjëse bën verifikimin para emërimit me qëllim të vërtetimit se kandidatët vazhdojnë të plotësojnë kriteret e konkursit, përmes dokumenteve ne origjinal apo të njësuara me origjinalin.

Komunitetet jo shumicë dhe pjesëtarët e tyre, personat me aftësi të kufizuar dhe gjinia më pak e përfaqësuar kanë të drejtë për përfaqësim të drejtë dhe proporcional në shërbimin civil të Kosovës, siç specifikohet në LZP.

Aplikacionet e dorëzuara pas afatit të paraparë nuk pranohen dhe aplikacionet e mangëta refuzohen