Thirrje Publike për Punë Praktike në kuadër të programit "Praktikë në Qeveri"

THIRRJE PUBLIKE PËR PUNË PRAKTIKE NË KUADËR TË PROGRAMIT “PRAKTIKË NË QEVERI”

Qëllimi

Ministria e Financave, Punës dhe Transfereve hap programin “Praktikë në Qeveri” për punë praktike me pagesë për gjashtë (6) muaj në institucionet e nivelit qendror. Përkatësisht, praktika në punë do të ofrohet në Zyren e Kryeministrit dhe në Ministri.

Kriteret e përgjithshme për aplikim

Të drejtë aplikimi kanë të rinjtë:

1. Deri në moshën 29 vjeçare;
2. Në vitin e fundit të studimeve apo të diplomuar në nivelin Bachelor apo Master (drejtimet e specifikuara në tabelë); dhe
3. Kanë notën mesatare në studime më të lartë se 8.0.

Aplikacioni duhet të përmbajë:

• Titulli në email (subject line) të specifikojë institucionin në të cilin aplikohet për praktikë në punë;
• Bashkëngjitur vërtetimin që jeni student apo diplomën universitare;
• Bashkëngjitur kopjen e letërnjoftimit të aplikueses/it.

Aplikacionet duhet të dërgohen përmes postës elektronike: [email protected]. Afati i fundit për aplikim është 23 Dhjetor 2022.

Procesi i përzgjedhjes

Aplikimet do të shqyrtohen nga Komisionet Zbatuese të secilit institucion, të cilët i përcjellin aplikimet dhe krijojnë një listë finale të kualifikuarve për punë praktike. Nëse vlerësohet e nevojshme, Komisionet mund të zhvillojnë intervista me kandidatët për të përzgjedhur studentët e kualifikuar për fillimin e punës praktike, bazuar në kriteret e specifikuara me vendimin e Ministrit të Ministrisë së Financave, Punës dhe Transfereve nr. 80/2022 të datës 07.12.2022