Thirrje për Aplikim
Programi për ngritjen e kapaciteteve të grave në bujqësi
Udhëzues për aplikim
Afati i fundit për dorëzimin e aplikimit
31.01.2023
Historiku
CARE International në Ballkan, zyra në Kosovë, në bashkëpunim me CARE Austria (në tekstin e mëtejmë: CARE) është duke implementuar projektin WEERA - Fuqizimi Ekonomik i Grave në Zonat Rurale të Kosovës, i financuar nga Bashkëpunimi Austriak për Zhvillim-ADC. Projekti do të kontribuojë në një zhvillim të barabartë dhe gjithëpërfshirës socio-ekonomik dhe do të rrisë përfshirjen ekonomike dhe sociale të grave në zonat rurale të Kosovës duke përmirësuar konkurrueshmërinë e bizneseve dhe ngritjen e kapaciteteve të tyre.
Projekti pritet të kontribuojë në rezultatet e mëposhtme:
Kohëzgjatja e projektit: shtator 2022-gusht 2024
Projekti do të implementohet në zonat rurale të rajonit të Pejës dhe Gjakovës.
Projekti do të fuqizojë gratë sipërmarrëse të zonave rurale dhe do të përfshijë burrat, anëtarët e familjes, në seancat sensibilizuese me përfaqësues të OJQ-ve lokale të grave për avokim. Autoritetet lokale, institucionet publike, akterët e zinxhirit të vlerës dhe institucionet financiare do të përfshihen në promovimin dhe zhvillimin e agrobiznesit të udhëhequr nga gratë.
Analiza e Situatës
Bazuar në vlerësimin e kryer nga CARE, janë identifikuar nënsektorët e mëposhtëm bujqësorë që kanë potencial të mjaftueshëm për rritje ekonomike, ekologjike dhe integrimit gjinor:
Sipas Raportit të fundit të BE-së për Analizë Gjinore[1], gratë janë të nënpërfaqësuara në sektorin e bujqësisë, ato përbëjnë vetëm 5% të fermerëve të licencuar në vitin 2018. Mungesa e pronës, niveli i ulët arsimor, punësimi joformal, qasja e dobët në informata lidhur me subvencionet pengojnë pjesëmarrjen e tyre në ekonomi. Ka hulumtime të pamjaftueshme në lidhje me përfshirjen e grave dhe burrave në ekonominë joformale. Sipas Analizës Gjinore (2020), gratë përbëjnë vetëm 2% e të gjithë përfituesve të subvencioneve në bujqësi për vitin 2016.[2]
Nga numri i pergjithshëm i bizneseve të regjistruara në Kosovë, vetëm 13% janë në pronësi të grave. Po ashtu gratë kanë përfituar vetëm 17% nga grantet e Agjencisë për Investime dhe Përkrahjen e Ndërmarrjeve në Kosovë (KIESA)[3]. Megjithëse raporti mes ndërmarrjeve në pronësi të grave dhe atyre në pronësi të burrave është një me gjashtë, ndërmarrjet në pronësi të grave morën 25 herë më pak fonde nga subvencionet gjatë vitit 2017. Për më tepër, vetëm 15% e grave pronare të bizneseve kanë përdorur kredi nga bankat komerciale[4].
Gratë e zonave rurale përballen me pengesa të konsiderueshme për të filluar një agrobiznes të formalizuar, ndërkohë që shumëçka ndodh në joformalitet. Disa nga kufizimet kryesore përfshijnë mungesën e mbështetjes teknike për themelimin e bizneseve të grave (përkatësisht regjistrimin e një biznesi), veçanërisht në sektorët: përpunimit të ushqimit, BMA (bimët mjekësore dhe aromatike) dhe sektorë të tjerë bujqësorë.
Objektivi:
Rritja e përfshirjes ekonomike dhe sociale të grave në zona rurale të Kosovës duke përmirësuar konkurrueshmërinë e bizneseve të tyre dhe kapacitetin e tyre të pjesëmarrjes qytetare |
Rezultatet e pritshme:
Afati kohor:
Programi për ngritjen e kapaciteteve do të zhvillohet në periudhën shkurt-prill 2023.
Kush mund të aplikojë:
Të gjitha gratë në bujqësi (bizneset fillestare (start-up), bizneset në pronësi të grave, kooperativat e grave dhe gratë që nuk kanë biznese të regjistruara) të cilat punojnë në sektorët e mëposhtëm:
Kriteret e pranueshmërisë:
Kriteret e përzgjedhjes
Kriteret | Pikët |
Ideja e biznesit | 20 |
Sa inovative është ideja e biznesit? | 20 |
Ndikimi social dhe mjedisor | 10 |
Kapaciteti menaxhues | 20 |
Gatishmëria për të marrë pjesë në programin e trajnimit | 20 |
Gatishmëria për të ndarë përvojat e fituara | 10 |
Rezultati maksimal i përgjithshëm | 100 |
Dokumentet që duhen dorëzuar:
Formulari i aplikimit (mund ta gjeni në linkun: Application form
Dokument që vërteton se aplikanti nuk është nën hetime
Aplikacionet duhet të dorëzohen në gjuhën shqipe ose serbe.
Formulari i aplikimit me dorëshkrim nuk do të pranohet.
Si të aplikoni:
Të gjitha aplikacionet mund të dorëzohen përmes e-mailit në: [email protected] ose në zarf të mbyllur.