KORPORATA RUGOVE, është kompani vendore me përvojë shumëvjeçare në industrinë e ushqimit, me brende të mirënjohura kosovare si Ujë Rugove dhe Djathë Rugove. Të gjithë të interesuarit që duan të jenë pjesë e Korporatës, ftohen që të aplikojnë për pozitat e hapura të punës në fabrikën e djathit “Rugove” Sh.P.K. në Drelaj (Rugovë). Pozitat e hapura janë:

OPERATOR NË KALDA (PEJË) DHE MIRËMBAJTËS I OBORRIT (PEJË)

Përgjegjësitë dhe detyrat kryesore për pozitën Operator në kalda:

• Është përgjegjës për operim dhe mirëmbajtje të pajisjeve dhe ambientit në departamentin e energanës (kaldaja me dru, kaldaja me naftë, kompresori i ajrit, ftohësi, sistemi i filtrimit të ujit, rezervuari i naftës dhe agregati) në baza të rregullta.
• Evidenton dhe regjistron materialin shpenzues (briket, dru, biomasë, kripë për fortësinë e ujit, filtër, llampa, naftë) dhe raporton në baza ditore për shpenzimin e tyre.
• Përgatit materialet për shpenzim.
• Mirëmban ambientin jashtë pjesës së prodhimit.
• Evidenton, lajmëron defektet e mundshme si dhe eventualisht asiston në riparim.

Përgjegjësitë dhe detyrat kryesore për pozitën Mirëmbajtës i oborrit:

• Mirëmban oborrin dhe hapësirat e gjelbërta.
• Organizon mbledhjen e mbeturinave nga koshat në kontejnerin kryesor.
• Punon me pirunar dhe është përgjegjës për të.
• Kontrollon dhe menaxhon funksionimin e impiantit (ngarkesat e cisternave) dhe po ashtu i evidenton ato.
• Kohë pas kohe asiston në ngarkimin e cisternave me hirrë.

Kualifikimet dhe kërkesat:

• Të ketë të kryer shkollën e mesme.
• Të jetë i gatshëm për punë ekipore.
• E preferueshme të ketë së paku 1 vit përvojë pune profesionale.
• Të jetë banor i regjionit të Pejës.
• T’i përshtatet orarit fleksibil të punës.
• Të ketë qasje me përgjegjësi dhe përkushtim të lartë në punë.

Çka ofron Korporata RUGOVE:

• Ndërmarrje profesionale dhe dinamike.
• Ambient profesional dhe motivues.
• Kompensim sipas aftësive dhe rezultateve të arritura.
• Transport nga qyteti i Pejës për në fabrikë.
• Mundësi të përparimit në karrierë.

Si të aplikohet:

Të interesuarat/it mund të dërgojnë CV-të e tyre në e-mail adresën [email protected] duke specifikuar pozitën për të cilën po aplikojnë.

Afati i fundit për aplikim është data 31 janar 2022, kurse vetëm kandidatet/ët që hyjnë në rrethin e ngushtë do të njoftohen përmes telefonit dhe do të ftohen në intervistë.

Korporata RUGOVE ofron mundësi të barabarta punësimi pa e diferencuar apo diskriminuar askënd dhe inkurajon të gjithë të dërgojnë CV-të e tyre.