Konkurs për vend pune

Institucioni Financiar Jo Bankar “Lesna” sh.a. fton të gjithë të interesuarit të cilët janë të motivuar në arritjen e rezultateve në fushën e kredisë që të aplikojnë për pozitën në vijim.

Pozita 1 : Analist/e Kreditor - Prishtinë

Pozita 2 : Arkatar/e (me kohë të caktuar, zëvendësim) - Rahovec

Detyrat dhe përgjegjësitë për pozitën 1

• Të identifikojë klientët potencial për kredi përmes promovimit të ofertës kreditore;
• Të kryen analizën financiare dhe bënë vlerësimin e kapacitetit financiar të klientëve;
• Të monitorojë trendet dhe zhvillimet e tregut;
• Të mbledh, analizojë dhe verifikojë informatat që lidhen me kredi kërkuesin;
• Të ndërtojë portfolio dhe bazën e klientëve;
• Te vlerësojë riskun e kredisë;
• Të përgatitë prezantimin përpara Komitetit Kreditor;
• Të menaxhojë në mënyrë cilësore kualitetin e portfolios për klientët e biznesit;
• Të menaxhojë me sukses ciklin e ripagesave mujore të kredive të aprovuara;
• Të ndërtojë relacione afatgjate dhe profesionale me klientë;
• Të prezantojë Institucionin në treg, në përputhje me politikat dhe procedurat e tij;
• Kryen edhe punë të tjera sipas nevojave në Departament të Kredive dhe në Institucion;

Kualifikimet

• Diplomë universiteti në ekonomi ose drejtime të tjera;
• Përvojë e punës në Institucione Financiare;
• Njohuri mbi ambientin e biznesit, trendet dhe zhvillimet specifike të tij;
• Njohuri të përgjithshme të sistemit bankar;
• Shkathtësi të shkëlqyeshme komunikuese;
• Njohja e gjuhës angleze përparësi;
• Aftësi të forta analitike dhe organizative;
• Aftësi të shkëlqyeshme të punës në ekip;

Detyrat dhe përgjegjësitë për pozitën 2

• Prezanton produktet e IFJB Lesna tek klientët.
• Regjistron te gjitha te dhënat lidhur me procesin e kredidhënies në degë.
• Pranon pagesat e klientëve dhe shpërndanë kreditë e aprovuara.
• Regjistron transaksionet në sistem dhe siguron që të dhënat e llogarive të klientëve në program të jenë të sakta.
• Verifikon dhe sistemon dosjet e kredive të shpërndara.
• Siguron shërbim të shkëlqyeshëm ndaj klientëve me qëllim të krijimit të një ambienti të hapur dhe miqësor.
• Kryen edhe punë të tjera sipas nevojave të degës.
• Raporton tek Menaxheri i Degës për punët dhe aktivitetet ditore.
• Punë të tjera të ndërlidhura me kredi-dhënien dhe arkën.

Kualifikimet

• Diplomë universiteti në ekonomi ose drejtime të tjera;
• Përvojë e punës në Institucione Financiare (e preferueshme);
• Shkathtësi të mira të komunikimit dhe negocimit,
• Të jete dinamik, fleksibil, kreativ dhe i gatshëm për punë në ekip,
• Njohuri të gjuhës angleze (e preferueshme),
• Njohuri mbi përdorimin e programeve të Microsoft Office.

Si të aplikoni?

Aplikimi në Institucionin Financiar Jo Bankar “Lesna” sh.a. bëhet përmes postës elektronike, duke dërguar CV-në tuaj, dokumentet mbi kualifikimet si dhe një letër motivuese, në e-mail: [email protected] , duke cekur në subjekt titullin e pozitës për të cilën aplikoni. Pas seleksionimit të dokumentacionit do të ftohen vetëm kandidatët të cilët do të hyjnë në listën e ngushtë.

Afati i fundit për aplikim: 25/11/2023