Duke u bazuar në Ligjin e Punës Nr. 03/L-212, Neni 8.1; Udhëzimin Administrativ të Ministrisë së Financave, Punës dhe Transfereve Nr. 01/2024 dhe Rregulloren mbi Organizimin e Brendshëm dhe Sistematizimin Vendeve të Punës Nr.1145 të datës 09.06.2023 të KRU Bifurkacioni SH.A, Kryeshefi Ekzekutiv, rishpallë:
K O N K U R S P U B L I K
Për vendet e lira të punës në KRU Bifurkacioni - Ferizaj:
Kriteri profesional-kualifikues:
Për vendet e punës me nr. rendor –I-:
-Përgatitja shkollore: Diplomë e Shkollës së Mesme, preferohet Drejtimi Ujëinstalues;
-Përvoja e punës, së paku një (1) vit;
-Koeficienti i pagës 1.89
-Kontratë me afat të caktuar, kohëzgjatja e periudhës provuese gjashtë (6) muaj.
Për vendet e punës me nr. rendor –II-:
-Përgatitja shkollore: Diplomë e Shkollës së Mesme;
-Përvoja e punës, së paku gjasht (6) muaj;
-Koeficienti i pagës 1.89;
-Kontratë me afat të caktuar, kohëzgjatja e periudhës provuese gjashtë (6) muaj.
Për vendin e punës me nr. rendor –III-:
-Përgatitja shkollore: Diplomë Baçelor në shkenca ekonomike, etj;
-Përvoja e punës, së paku një (1) vit në lëmin përkatës;
-Koeficienti i pagës 2.18;
-Kontratë me afat të caktuar, kohëzgjatja e periudhës provuese gjashtë (6) muaj.
Për vendin e punës me nr. rendor –IV-:
-Përgatitja shkollore: Diplomë e Shkollës së mesme të ulët;
-Përvoja e punës, e dëshirueshme.
-Koeficienti i pagës 1.68;
-Kontratë me afat të caktuar, kohëzgjatja e periudhës provuese gjashtë (6) muaj.
Për vendin e punës me nr. rendor –V-:
-Përgatitja shkollore: Diplomë e Shkollës së mesme të ulët;
-Përvoja e punës, e dëshirueshme.
-Koeficienti i pagës 1.76;
-Kontratë me afat të caktuar, kohëzgjatja e periudhës provuese gjashtë (6) muaj.
Detyrat dhe përgjegjësitë e punës:
I. Ujëinstalues
II. Lexues-Arkëtues:
- Kryen pagesa të faturave të ujit në terren;
- Është përgjegjës për leximin e ujëmatësve dhe arkëtimin e faturave për ujin e faturuar në një zonë të caktuar;
- Mban përgjegjësi për mjetet e arkëtuara deri në dorëzimin e tyre në arkë;
- Është përgjegjës për dhënien e ndihmës në zbulimin e kyçjeve ilegale dhe keqpërdorimeve të ujit;
- Është përgjegjës për hartimin e listave dhe regjistrave të konsumatorëve të cilët nuk janë të rregullt me pagesa;
- Ka për detyrë të përgjigjet dhe të adresojë më tutje në kompani vërejtjet dhe pakënaqësitë eventuale të
konsumatorëve;
- Kryen edhe punë të tjera, me kërkesën e përgjegjësit të tij, të cilit i përgjigjet për punën e të tij.
III. Zyrtar për Llogari të Arkëtueshme dhe Debitorë
IV. Mirëmbajtëse e Higjienës
V. Punëtor i Pakualifikuar
Dokumentet e nevojshme:
-Aplikacioni për punësim – Kërkesa e nënshkruar nga aplikuesi;
-Diploma e përgatitjes shkollore dhe kualifikimeve tjera (kopje), diplomat e lëshuara jashtë vendit duhet të jenë të nostrifikuara nga MASHT
-Dëshmi dhe vërtetime të përvojës së punës - Trusti (kopje), për pozitat ku kërkohet përvoja e punës
-Ekstrakti i lindjes, jo më i vjetër se 6 muaj (në origjinal);
-Letërnjoftimi (kopje);
-Vërtetimi që nuk ushtrohet procedurë hetimore nga Gjykata, jo më i vjetër se 6 muaj (në origjinal).
Aplikacioni për punësim mund të shkarkohet nga ueb-faqja e kompanisë ose të merret në Departamentin e Administratës dhe Burimeve Njerëzore, Zyra nr. 1 - KRU Bifurkacioni, ndërsa aplikimi bëhet online përmes dërgimit të aplikacioneve në email-in zyrtar [email protected]. Afati i konkursit për aplikim është i hapur 15 ditë, nga dita e publikimit në ueb-faqen e kompanisë dhe në mjetet tjera të informimit (të shkruar apo online), dhe atë duke filluar nga data 16.07.2024 e deri më 30.07.2024 në ora 23:59.
Kandidatët që shprehin interesim për pozitat e shpallura gjatë procesit të rekrutimit do të vlerësohen nëpërmjet formës së testimit me shkrim dhe intervistimit (testim me gojë), pikët maksimale që mund të arrihen janë njëqind (100), ndërsa pragu i kalueshmërisë në rezultatin final është arritja e së paku pesëdhjetë e pesë (55) pikëve nga të gjitha fazat e rekrutimit i cili parashikohet të zhvillohet në periudhën kohore korrik-gusht 2024.
Të gjitha aplikacionet e paraqitura pas afatit të paraparë nuk do të shqyrtohen.
Ferizaj,
15.07.2024
Kryeshefi Ekzekutiv
______________
Jeton Shabani