Në bazë të Ligjit Nr. 08/L – 197 për zyrtarëtpublikë, Neni 39 (1,2,3,4,5 dhe 6) dhe Rregullores (QRK) NR. 15/2023për pranimin dhe karrierën në shërbimin civil të Republikës së Kosovë, Neni 5 Komuna Mitrovica e Veriut shpall:

Konkurs

Aplikimi është i hapur për të gjithë kandidatët e interesuar.

Emri i grupit: Grupi i shkencave shoqërore

Titulli i pozitës së punës: Zyrtar per Sherbime Publike

Klasa e pozitës : Profesional 2

Koeficienti/Paga: GJ39 - 4.8

Nr. i kërkuar: 3

Kohëzgjatja e emërimit: Emërim me afat të pacaktuar

Data e njoftimit: 18/10/2024

Afati për aplikim: 19/10/2024 - 17/11/2024

Institucioni: Komuna Mitrovicae Veriut

Departamenti: Ekzekutivi

Divizioni: Drejtoria për Shërbime Publike, Infrastrukturë, Inspekcion dhe Sit.Emergj.

Vendi i punës: Komuna e Mitrovices Veriore

Nr. i Referencës: RN00015527

Kodi: RPC0009066

Përshkrimi i përgjithshëm i punës

• Harton dhe zbaton planin vjetor të shërbimeve publike, duke siguruar që të gjitha shërbimet publike (ndriçimi

publik, trotuaret, parqet, këndet rekreative në hapësirat publike,gjelbërimi, kanalizimi, ujësjellësi, mbeturinat, etj) realizohen në përputhje me standardet e përcaktuara;

• Propozon dhe zbatonpolitika dhe procedura të reja për të përmirësuar ofrimin e të gjitha shërbimeve publike dhe për të siguruar një menaxhim më të mirë të tyre;
• Koordinon dhe bashkëpunon me drejtoritë e tjera komunaledhe institucione të ndryshme për të siguruar integrimin e të gjitha shërbimeve publike në të gjithë territorin e komunës;
• Menaxhon dhe adreson ankesat dhe kërkesat e qytetarëve që lidhen me shërbimet publike (ndriçimi publik, këndet rekreative në hapësirat publike,gjelbërimi, kanalizimi, ujësjellësi, mbeturinat,etj.), duke u siguruar që ato të trajtohen në mënyrë efikase dhe transparente;
• Mbikëqyrë, monitoron dhe menaxhon zbatimine kontratave me operatorët ekonomikë që ofrojnë shërbime publike, duke siguruar cilësinë dhe efektivitetin e shërbimeve të ofruara;
• Siguron mbështetje teknikedhe profesionale për prokurimin e shërbimeve publikeduke hartuar specifikimet teknike dhe duke vlerësuar ofertat për të garantuar përputhjen me kërkesat e komunës;
• Përgatit raporte periodike mbi performancën e shërbimeve publikedhe analizon të dhënat për të identifikuar mundësitë për përmirësim;
• Bënë pranimin teknik të projekteve të përfunduara të shërbimeve publike dhe projekteve tjera;
• Bënë vizita te rregullta ne teren, me ç’rast evidenton mangësitë eventuale në hapësira publikedhe propozon për intervenime në zgjerimin apo rregullimin e: ndriçimit publik, trotuareve, parqeve, këndet rekreative në hapësirat publike, gjelbërim, problemet me kanalizim, problemet me ujësjellës, problemet me mbeturinat dhe të gjitha shërbimet publike tjera;
• Kryen edhe detyra tjera në përputhje me ligjet dhe rregulloret ne fuqi, të cilat mund të kërkohennë mënyrë të arsyeshme kohë pas kohe nga mbikëqyrësi.

Kriteret e përgjithshme për pranimin në detyrë, sipas nenit 9 të LZP-së

• Të jetë shtetas i Republikës së Kosovës;
• Të ketë zotësi të plotë për veprim, sipas legjislacionit në fuqi;
• Të zotërojë të paktën njërën nga gjuhët zyrtare, në pajtim me Ligjin për Gjuhët;
• Të jetë e/i aftë për të kryer detyrën përkatëse;
• Të mos jetë e/i dënuar për kryerjen e një veprës penale me dashje;
• Të mos ketë në fuqi masë disiplinore për shkelje të rëndë në institucion publik.
• Të ketë arsimin,përvojën e punësprofesionale dhe/apo aftësitëe kërkuara për pozitën, kategorinë, klasën apo grupin përkatës.
• Të kaloj me sukses procedurat e pranimit të përcaktuara në këtë ligj.

Kërkesat e përgjithshme formale

1. Arsimimi i kërkuar: Diplomë e arsimit të lartë e nivelit të parë (Bachelor), drejtimi: Juridik, Ekonomik(pa specifikim), Sociologji, Antropologji, Filozofi, Histori, ShkencaPolitike, Psikologji, Punë Sociale, Gjeografi, Administratë Publike.
2. Kërkesat specifike: Nuk ka.
3. Përvoja e punës e kërkuar: Së paku 1 (një) vit përvojëpune në fushën për të cilën zhvillohet procedura për plotësimin e pozitës së lirë të punës.

Njohuritë, aftësitë dhe cilësitë e kërkuara në procedurën e rekrutimit

• Njohuri të plotë dhe të specializuara në fushën profesionale specifike.
• Nivel të lartëtë njohurive profesionale ose teknike të fushës përkatëse dhe të kuptuarit e fushave që ndërlidhen me detyrat dhe përgjegjësitë.
• Njohuri të mira të metodavekërkimore, që ndihmojnë në përgatitjen e raporteve bazikeose analitike dhe në marrjen e vendimeve.
• Aftësi të arsyetimit logjik dhe analizës.
• Aftësi për të bërë gjykimeprofesionale të pavaruradhe për të ushtruar diskrecion mbi çështjet dhe për të dhënë një kontribut të rëndësishëm në zhvillimin dhe zbatimin e politikave.
• Shkathtësi hulumtuese, analitike, vlerësuese dhe formulim të rekomandimeve dhe këshillave profesionale.
• Aftësi komunikimi dhe ndikim personal, përfshirë aftësi për të përfaqësuar.
• Njohja e gjuhëve të huaja (e preferueshme).

Dokumentet që duhet të dorëzohen si pjesë e aplikimit dhe mënyrën e dorëzimit të tyre

• Kopjen e letërnjoftimit/pasaportës/certifikatës së shtetësisë së Republikës së Kosovës.
• Kopjen e diplomëstë kërkuar me konkurs të lëshuar nga institucionet arsimoretë Republikës së Kosovës. Nëse diploma është fituar jashtë vendit, vërtetimin e nostrifikimit të diplomës së fituar apo aktin që dëshmon se diploma e fituar është në procedurë të nostrifikimit, me kusht që nostrifikimi i diplomës të dorëzohet deri në momentin e nënshkrimit të aktit për emërim në pozitë;
• Kopjet e dëshmisësë punësimit (vërtetim/kontratë) të lëshuar nga institucioni përkatësi punësimit për përvojën e punës, që përcakton pozitën e punës si dhe kohëzgjatjen e angazhimit në atë pozitë. Dëshmisë së punësimit jashtë institucioneve publike duhet mbështet së paku njëra nga dëshmitë si në vijim: pasqyra e pagesave në

fondin e kursimeve pensionale apo pasqyra e pagesave të obligimeve tatimorenë përputhje me legjislacionin tatimor për të ardhurat personal.

• Dëshmi që nuk ka në fuqi masë disiplinore për shkelje të rëndë në institucion publik (Kanidatët që janë të punësuar apo kanë qenë të punësuar në institucione publike).
• Dëshmitë e trajnimeve profesionale të ndjekura apo trajnimeve që aplikuesi i ka realizuar në cilësinë e trajnuesit.
• Kopjet e dokumenteve tjera që provojnëplotësimin e kushtevepër aplikim të përcaktuara në shpalljen e rekrutimit dhe të deklaruara në aplikacion.

Dëshmitë që nuk kërkohen gjatë aplikimit, por në fazën e verifikimit para emërimit

• Certifikatë mbi dënimetpenale origjinale e lëshuar nga gjykata përmessë cilës dëshmohet se nuk ështëi/e dënuar për kryerjen e veprës penale me dashje, jo më të vjetër se (6) muaj nga data e lëshimit.
• Dëshmi se kandidati është i aftë në pikëpamje shëndetësore.
• Dëshmi përkatëse se kandidati ka zotësi të plotë për të vepruar.

Data e daljes së rezultateve të vlerësimit paraprak

• Lista e kandidatëve të cilët plotësojnë kushtet për pranim do të shpallet më së largu deri më datën 02/12/2024, në portalin e rekrutimit elektronik (https://konkursi.rks-gov.net )

Kriteret specifike shtesë

Mënyra e vlerësimit të kandidatëve/aplikantëve

• Testimi me shkrim – maksimumi 70 pikë
• Intervista – maksimumi 30 pikë

Mënyra e njoftimit dhe komunikimit me kandidatët

• Përmes email dhe portalit për rekrutimi elektronik (https://konkursi.rks-gov.net)

Mënyra e aplikimit

• Përmes portalit për rekrutimi elektronik (https://konkursi.rks-gov.net)

Data e shpalljes së rezultateve përfundimtare

• Në përfundim të vlerësimit të kandidatëve, fituesi do të shpallet përmes portalit për rekrutimi elektronik (https://konkursi.rks-gov.net). Të gjithë kandidatët pjesëmarrës në këtë procedurëdo të njoftohen individualisht në mënyrë elektronike.

Të dhëna shtesë:

• Pas përzgjedhjes së kandidatit fitues,njësia përgjegjëse bën verifikimin para emërimit me qëllim të vërtetimit se kandidatët vazhdojnë të plotësojnë kriteret e konkursit, përmes dokumenteve ne origjinal apo të njësuara me origjinalin.

Komunitetet jo shumicë dhe pjesëtarët e tyre, personatme aftësi të kufizuar dhe gjinia më pak e përfaqësuar kanë të drejtë për përfaqësim të drejtë dhe proporcional në shërbimin civil të Kosovës, siç specifikohet në LZP.

Aplikacionet e dorëzuara pas afatit të paraparë nuk pranohen dhe aplikacionet e mangëta refuzohen