Në bazë të Ligjit Nr. 08/L – 197 për zyrtarët publikë, Neni 39 (1,2,3,4,5 dhe 6) dhe Rregullores (QRK) NR. 15/2023 për pranimin dhe karrierën në shërbimin civil të Republikës së Kosovë, Neni 5 Ministria e Bujqësisë, Pylltarisë dhe Zhvillimit Rural-Agjencia e Ushqimit dhe Veterinarisë shpall:

Konkurs

Aplikimi është i hapur për të gjithë kandidatët e interesuar.

Emri i grupit: Grupi i bujqësisë, pyjeve dhe tokës

Titulli i pozitës së punës: Inspektor Fitosanitar

Klasa e pozitës : Profesional 1

Koeficienti/Paga: 7

Nr. i kërkuar : 5

Kohëzgjatja e emërimit: Emërim me afat të pacaktuar

Data e njoftimit: 30/10/2024

Afati për aplikim: 31/10/2024 - 29/11/2024

Institucioni: Ministria e Bujqësisë, Pylltarisë dhe Zhvillimit Rural- Agjencia e Ushqimit dhe Veterinarisë

Departamenti: Drejtoria e Inspektoratit

Divizioni: Sektori I Ins. Fitosanitar Kufitar

Vendi i punës: Pikat Kufitare të AUV-së

Nr. i Referencës: RN00015652

Kodi : RPC0009191

Përshkrimi i përgjithshëm i punës

• Inspektimi i bimëve, produkteve bimore dhe produkteve ushqimore me origjinë bimore dhe dokumentacionit përcjellës, në pikat kufitare të Republikës së Kosovës;
• Inspektimi i prodhimeve jo ushqimore me origjinë bimore dhe dokumentacionit përcjellës në pikat kufitare të Republikës së Kosovës;
• Inspektimi në kufi i farës dhe plehrave artificiale;
• Organizimi i inspektimit në kufi të produkteve tjera të përcaktuara me kodin TARIK;
• Kontrollimi i dukumentacionit – certifikatat (fitosanitare, shëndetësore dhe të origjinës), faturës dhe lejen e importit;
• Regjistrimi i lëndëve në protokol dhe në kompjuter (importi,exporti dhe tranziti);
• Inspektimi i mallrave në pikën kufitare konform Ligjeve ekzistuese (inspektimi vizuel, ekzaminime të ndryshme, inspektimin e mjeteve të transportit, mallit dhe amballazhit);
• Mostrimi, përgaditja e mostrave për analiza dhe dërgimi i tyre në laboratore përkatëse të licencuara dhe të autorizuara;
• Përgaditja dhe dërgimi i raporteve për nevoja të Sektorit Fitosanitar Kufitar, përkatesisht raportin javor, tremujor dhe raportin vjetor, si dhe raportin e të hyrave financiare;
• Kryerja e shërbimeve fitosanitare kufitare dhe bashkëpunimi me institucionet relevante në kufi (dogana dhe policia);
• Kryen edhe detyra tjera në pajtim me ligjet dhe rregulloret aktuale të cilat me arsye mund të kërkohen kohë pas kohë nga mbikëqyrësi.

Kriteret e përgjithshme për pranimin në detyrë, sipas nenit 9 të LZP-së

• Të jetë shtetas i Republikës së Kosovës;
• Të ketë zotësi të plotë për veprim, sipas legjislacionit në fuqi;
• Të zotërojë të paktën njërën nga gjuhët zyrtare, në pajtim me Ligjin për Gjuhët;
• Të jetë e/i aftë për të kryer detyrën përkatëse;
• Të mos jetë e/i dënuar për kryerjen e një veprës penale me dashje;
• Të mos ketë në fuqi masë disiplinore për shkelje të rëndë në institucion publik.
• Të ketë arsimin, përvojën e punës profesionale dhe/apo aftësitë e kërkuara për pozitën, kategorinë, klasën apo grupin përkatës.
• Të kaloj me sukses procedurat e pranimit të përcaktuara në këtë ligj.

Kërkesat e përgjithshme formal

• Arsimimi i kërkuar: Diplomë e studimeve - drejtimet Agronomi/ Pylltari/ Hortikulturë/ Shkencat e Tokës, Gjeografi, Veterinari. (Vertetimi mbi nostrifikimin e diplomes se fituar jashtevendit, apo aktin qe deshmonse diploma e fituar jashte vendit eshte ne procedure te nostrifikimit, me kusht qe nostrifikimi i diplomes te dorezohet deri ne momentine nenshkrimit te aktit per emerim ne pozite);
• Kërkesat specifike: Njohuri profesionale specifike në fushën e Fitosanitarise; Njohuri të ligjeve dhe rregulloreve të aplikueshme për Fitosanitarine; Shkathtësi hulumtuese, analitike dhe vlerësim të informacionit;
• Shkathtësi kompjuterike në aplikacione të programeve Microsoft Office (Word, Excel, etj.);
• Përvoja e punës e kërkuar: Së paku dy (2) vite përvojë pune profesionale në fushën për të cilën zhvillohet procedura për plotësimin e pozitës së lirë të punës.

Njohuritë, aftësitë dhe cilësitë e kërkuara në procedurën e rekrutimit

• Njohuri të thella dhe të specializuara në fushën profesionale specifike.
• Nivel të lartë të njohurive profesionale ose teknike të fushës përkatëse dhe të kuptuarit e fushave që ndërlidhen me detyrat dhe përgjegjësitë.
• Njohuri të gjëra të fushës, të metodave kërkimore, që ndihmojnë në përgatitjen e raporteve bazike ose analitike.
• Aftësi të arsyetimit logjik dhe analizës.
• Aftësi për të bërë gjykime profesionale të pavarura dhe për të ushtruar diskrecion mbi çështjet dhe për të dhënë një kontribut të rëndësishëm në zhvillimin dhe zbatimin e politikave.
• Shkathtësi hulumtuese, analitike, vlerësuese dhe formulim të rekomandimeve dhe këshillave profesionale.
• Aftësi komunikimi dhe ndikim personal, përfshirë aftësi për të përfaqësuar.
• Njohja e gjuhëve të huaj (e preferueshme).

Dokumentet që duhet të dorëzohen si pjesë e aplikimit dhe mënyrën e dorëzimit të tyre

• Kopjen e letërnjoftimit/pasaportës/certifikatës së shtetësisë së Republikës së Kosovës.
• Kopjen e diplomës të kërkuar me konkurs të lëshuar nga institucionet arsimore të Republikës së Kosovës. Nëse diploma është fituar jashtë vendit, vërtetimin e nostrifikimit të diplomës së fituar apo aktin që dëshmon se diploma e fituar është në procedurë të nostrifikimit, me kusht që nostrifikimi i diplomës të dorëzohet deri në momentin e nënshkrimit të aktit për emërim në pozitë;
• Kopjet e dëshmisë së punësimit(vërtetim/kontratë) të lëshuar nga institucioni përkatës i punësimit për përvojën e punës, që përcakton pozitën e punës si dhe kohëzgjatjen e angazhimit në atë pozitë.Dëshmisë e punësimit jashtë institucioneve publike duhet të mbështet së paku njëra nga dëshmitë si në vijim: pasqyra e pagesave në fondin e kursimeve pensionale apo pasqyra e pagesave të obligimeve tatimore në përputhje me legjislacionin tatimor për të ardhurat personal.
• Dëshmi që nuk ka në fuqi masë disiplinore për shkelje të rëndë në institucion publik (Kanidatët që janë të punësuar apo kanë qenë të punësuar në institucione publike).
• Dëshmitë e trajnimeve profesionale të ndjekura apo trajnimeve që aplikuesi i ka realizuar në cilësinë e trajnuesit.
• Kopjet e dokumenteve tjera që provojnë plotësimin e kushteve për aplikim të përcaktuara në shpalljen e rekrutimit dhe të deklaruara në aplikacion.

Dëshmitë që nuk kërkohen gjatë aplikimit, por në fazën e verifikimit para emërimit

• Certifikatë mbi dënimet penale origjinale e lëshuar nga gjykata përmes së cilës dëshmohet se nuk është i/e dënuar për kryerjen e veprës penale me dashje, jo më të vjetër se(6) muaj nga data e lëshimit.
• Dëshmi se kandidati është i aftë në pikëpamje shëndetësore.
• Dëshmi përkatëse se kandidati ka zotësi të plotë për të vepruar.

Data e daljes së rezultateve të vlerësimit paraprak

• Lista e kandidatëve të cilët plotësojnë kushtet për pranim do të shpallet më së largu deri më datën 14/12/2024, në portalin e rekrutimit elektronik (https://konkursi.rks-gov.net )

Kriteret specifike shtesë

Mënyra e vlerësimit të kandidatëve/aplikantëve

• Testimi me shkrim – maksimumi 70 pikë
• Intervista – maksimumi 30 pikë

Mënyra e njoftimit dhe komunikimit me kandidatët

1. Përmes email dhe portalit për rekrutimi elektronik (https://konkursi.rks-gov.net)

Mënyra e aplikimit

• Përmes portalit për rekrutimi elektronik (https://konkursi.rks-gov.net)

Data e shpalljes së rezultateve përfundimtare

• Në përfundim të vlerësimit të kandidatëve, fituesi do të shpallet përmes portalit për rekrutimi elektronik

(https://konkursi.rks-gov.net). Të gjithë kandidatët pjesëmarrës në këtë procedurë do të njoftohen individualisht në mënyrë elektronike.

Të dhëna shtesë:

• Pas përzgjedhjes së kandidatit fitues, njësia përgjegjëse bën verifikimin para emërimit me qëllim të vërtetimit se kandidatët vazhdojnë të plotësojnë kriteret e konkursit, përmes dokumenteve ne origjinal apo të njësuara me origjinalin.

Komunitetet jo shumicë dhe pjesëtarët e tyre, personat me aftësi të kufizuar dhe gjinia më pak e përfaqësuar kanë të drejtë për përfaqësim të drejtë dhe proporcional në shërbimin civil të Kosovës, siç specifikohet në LZP.

Aplikacionet e dorëzuara pas afatit të paraparë nuk pranohen dhe aplikacionet e mangëta refuzohen