SHPALLJE PËR VEND PUNE

MENAXHER/E PËR MONITORIM, VLERËSIM, LLOGARIDHËNIE DHE MËSIM (MEAL)

OJQ "Zëri i Romëve, Ashkalinjëve dhe Egjiptianëve" (Voice of Roma, Ashkali and Egyptians NGO) si rezultat i suksesit dhe procesit të zgjerimit, është në kërkim të plotësimit të pozitës:

Pozita: Menaxher/e për Monitorim, Vlerësim, Llogaridhënie dhe Mësim (MEAL)

Vendi: Prishtinë, Kosovë

Orari: I plotë

______________________________________________________________________________

PËRSHKRIMI I PËRGJITHSHËM I POZITËS SË PUNËS MEAL (MONITORIM, VLERËSIM, LLOGARIDHËNIE DHE MËSIME)

Menaxheri për Monitorim, Vlerësim, Llogaridhënie dhe Mësim (MEAL) siguron cilësi dhe llogaridhënie të programeve të organizatës VoRAE në Kosovë duke u përpjekur për një përgjigje përkatëse, mbrojtëse dhe në kohë.

Menaxher/e për Monitorim, Vlerësim, Llogaridhënie dhe Mësim (MEAL) do të sjellë përvojë të rëndësishme dhe ide të reja për të udhëhequr në zbatimin, rishikimin dhe vlerësimet e sistemit MEAL, buxhetimin e MEAL, rekrutimin, si dhe mbështetjen për shkrimin e propozimeve dhe zhvillimin e kornizave logjike.

Menaxheri do të sigurojë që të gjitha projektet VoRAE-së të mbështeten për të siguruar cilësinë, efektivitetin dhe përshtatshmërinë e programeve të tyre. Në kuadër të angazhimeve, menaxheri MEAL duhet të nxjerrë mësimet e nxjerra dhe ta komunikojë këtë informacion në kapacitete të ndryshme për të përmirësuar programet aktuale dhe ato të ardhshme. Ai/Ajo do të udhëzojë ekipet e VoRAE për të mbajtur një sistem efektiv të monitorimit në të gjitha sektorët, duke përfshirë përdorimin e të dhënave të feedback-ut nga përfituesit, për të siguruar cilësinë e ndërhyrjeve. Menaxheri i MEAL do të udhëheqë procesin e rritjes së kapaciteteve të stafit dhe partnerëve në lidhje me MEAL, veçanërisht në aspektin e llogaridhënies dhe pjesëmarrjes.

Në fund, ai/ajo do të sigurojë që programi të ketë njohuri të bazuara në prova për të udhëzuar drejtimin e programit, duke u mbështetur në dokumentet e vlerësimeve dhe monitorimit të rregullt të programit. Vëmendje e veçantë duhet t’i kushtohet ndikimit pozitiv dhe negativ që ndërhyrjet kanë në komunitete, persona të margjinalizuar dhe persona me aftësi të kufizuara. Kjo analizë duhet të jetë e disponueshme për të gjithë stafin e VoRAE dhe palët e jashtme të interesuara, kur është e përshtatshme.

Përgjegjësitë Kryesore:

Pëgjegjësitë në zhvillimin e projekteve dhe planifikimin operacional

• Zhvillimi i propozimeve të projekteve.
• Zhvillimi i planeve operative, duke siguruar përputhshmërinë me prioritetet strategjike dhe aktivitetet e ndryshme të projekteve.
• Zhvillimi dhe implementimi i planeve të monitorimit që janë në përputhje me orientimet e organizatës.
• Siguron që parimet etike të lidhura me M&E të respektohen, veçanërisht ato që lidhen me barazinë gjinore, drejtësinë dhe "Do no harm". Mbron të dhënat konfidenciale, aplikon parimet e miratimit të informuar, gjatë mbledhjes, përpunimit, analizës dhe përdorimit të të dhënave M&E.

Pëgjegjësitë e monitorimit dhe vlerësimit

• Zhvillimi dhe menaxhimi i kornizës gjithëpërfshirëse për aktivitetet e monitorimit dhe vlerësimit në përputhje me Manualin për Menaxhimin e Ciklit të Projekteve, dhe bazuar në kornizat logjike të projekteve, Planin e Konsoliduar të Punës vjetor dhe rezultatet e pritura të projekteve;
• Mbikëqyr dhe ekzekuton implementimin e aktiviteteve të monitorimit dhe vlerësimit;
• Mbikëqyr, monitoron dhe kontrollon të dhënat e M&E të mbledhura, bazuar në një kontroll të saktë të Mjeteve të Verifikimit (MoV);
• Siguron përgatitjen dhe dorëzimin në kohë të të gjitha raporteve të monitorimit dhe progresit sipas kërkesave të donatorëve dhe përgatit raporte të konsoliduara që kërkohen nga menaxhimi. Kjo përfshin raporte mujore, tremujore, gjysmëvjetore dhe vjetore.
• Përditëson dhe arkivon dokumentacionin e sistemit të M&E, duke përfshirë të gjitha format e raporteve të përditësuara, dosjet e ID-së, artikujt përkatës të shtypit etj.;
• Monitoron aktivitetet e implementuara dhe përgatit raporte monitorimi;
• Në bashkëpunim të ngushtë me Drejtorin e organizatës, bën projektimin dhe rishikimin sipas nevojave të Kornizave Logjike të Projekteve dhe identifikimin e nevojave për përmirësime të mëtejshme.
• Konsolidon një kulturë të mësimeve të nxjerra dhe lehtëson punëtori për mësimet e nxjerra përmes koordinimit dhe zhvillimit të sistemeve të menaxhimit të njohurive të brendshme.

Dizajnimi i Sistemit dhe Promovimi i MEAL

• Udhëheq organizimin e ngjarjeve dhe proceseve për ndarjen e njohurive të Programit, duke u fokusuar në mësimin dhe përmirësimin e vazhdueshëm.
• Promovon të gjitha aspektet e MEAL për të mbështetur krijimin e një kulture organizative që prioritizon programimin cilësor.
• Promovon dhe mbështet organizimin e rishikimeve të programeve.
• Harton dhe përditëson vazhdimisht strategjinë e llogaridhënies dhe udhëheq zbatimin e mekanizmave të reagimit dhe ankesave në nivel programi, në përputhje me standardet.
• Harton dhe menaxhon vlerësimet e situatës, duke këshilluar menaxhmentin për miratimin e raportit përfundimtar, shpërndarjen e gjetjeve dhe rekomandimeve të vlerësimit/analizës me audiencat e synuara.
• Mbështet ekipet e projekteve në nxjerrjen e mësimeve të nxjerra dhe praktikave të mira dhe dokumentimin e rasteve studimore që demonstrojnë ndryshime cilësore dhe sasiore.
• Ndërton marrëdhënie të forta me kolegët dhe ofron mbështetje sipas nevojës për të siguruar që sistemi MEAL të kuptohet dhe të mbështetet.
• Punon ngushtë me ekipet e programeve për të siguruar që MEAL të bëhet një element integral i zbatimit të projekteve, duke çuar në cilësi, llogaridhënie, menaxhim dhe ndikim të përmirësuar.

Mbështetje teknike

• Siguron që udhëzimet e brendshme për MEAL të zbatohen siç duhet brenda organizatës dhe që ekipet e VoRAE të adaptojnë të gjitha udhëzimet dhe mjetet metodologjike ekzistuese/të rekomanduara të MEAL nga VoRAE.
• Siguron përputhshmërinë me kërkesat e donatorëve dhe programeve në lidhje me mbledhjen e të dhënave, analizën dhe raportimin kundrejt treguesve dhe mjeteve të verifikimit.
• Përgjegjës për zhvillimin e seksioneve mbi metodologjitë dhe planet e MEAL, buxhetet, treguesit dhe kornizat logjike në propozimet e projekteve.
• Zhvillon dhe zbaton plane monitorimi që janë në përputhje me orientimet e organizatës dhe kërkesat e programeve.
• Zhvillon, teston dhe përditëson metodologjitë dhe mjetet e përshtatshme bazuar në kërkesat e programit dhe ndryshimet kontekstuale.
• Zbaton dhe siguron respektimin e parimeve dhe standardeve etike të lidhura me MEAL, veçanërisht ato që lidhen me barazinë gjinore, drejtësinë dhe "mos bëj dëm" dhe pjesëmarrjen.
• Udhëheq proceset gjithëpërfshirëse të analizës së të dhënave dhe ndihmon në hartimin e raporteve cilësore për menaxhimin efektiv të programeve.
• Siguron që informacioni i MEAL të përdoret me sukses dhe të përshtatet me audiencat e synuara gjatë marrjes së vendimeve operacionale dhe strategjike.
• Hulumton dhe merr të dhëna nga burime të brendshme dhe të jashtme; përgatit tabela statistikore, grafikë dhe raporte sipas nevojës.
• Zhvillon dhe përditëson bazën e të dhënave të programit të M&E, duke siguruar futjen e saktë dhe të shpejtë të të dhënave, përpunimin, analizën dhe shpërndarjen e të dhënave kyçe programatike për të mundësuar ndjekje të duhur dhe për të informuar proceset e marrjes së vendimeve.
• Siguron zbatimin e mekanizmave të ankesave dhe reagimeve në zonat e ndryshme të ndërhyrjes.

Raportimi i Brendshëm dhe i Jashtëm

• Siguron llogaridhënie të jashtme ndaj donatorëve përmes zbatimit të aktiviteteve MEAL në kohë dhe me cilësi, duke çuar në raporte të sakta dhe të shpejta.
• Koordinon raportet e rregullta të monitorimit të terrenit dhe llogaridhënies nga asistentët e M&E dhe i shpërndan ato ekipit të zyrës së organizatës, duke siguruar që planet e veprimit të përfshihen dhe të ndiqen, dhe që ekipi i menaxhimit të lartë të rishikojë raportet rregullisht.
• Është përgjegjës për të siguruar që organizata të përmbushë të gjitha kërkesat e brendshme të M&E në mënyrë të shpejtë dhe me informacion të cilësisë së lartë.
• Siguron që të dhënat e M&E të përdoren në mënyrë optimale gjatë marrjes së vendimeve operative dhe strategjike në delegacion, në përputhje me kërkesat e zyrës kryesore dhe donatorëve, veçanërisht në lidhje me raportimin institucional.
• Siguron që të prodhohen raporte të cilësisë së lartë për analizat që ilustrojnë ndikimin e VoRAE dhe gjetjet e vlerësimit, duke përfshirë prova të praktikave të mira dhe programeve të mundshme për t'u riprodhuar, dhe që ato të komunikohen në ngjarje të përshtatshme.

Të Tjera

• Përgjegjësi dhe detyra të tjera sipas kërkesës nga Menaxheri i Linjës.

KUALIFIKIMET DHE KOMPETENCAT:

• Diplomë universitare në Shkencat Sociale, Mirëqenie Sociale, Politikë Sociale, Punë Sociale ose fusha të ngjashme. Një diplomë pasuniversitare është një avantazh.
• Aftësia për të punuar në mënyrë të pavarur, si dhe për të ofruar mbështetje dhe këshilla.
• Minimumi 3 vjet përvojë pune në një fushë të ngjashme.
• Aftësi analitike.
• Disiplina, preciziteti, transparenca dhe ndershmëria intelektuale.
• Aftësi të shkëlqyera të komunikimit me të folur dhe të shkruar (në negociata konstruktive) në të gjitha fushat (të brendshme dhe të jashtme), aftësi për të dëgjuar aktivisht.
• Fleksibilitet, hapësirë dhe aftësi për t'u adaptuar.
• Fokusim në rezultate dhe aftësi për zgjidhjen e problemeve.
• Aftësia për të mësuar nga përvojat negative, për të kapitalizuar gabimet dhe për të shfrytëzuar mundësitë.

Aftësitë e tjera të nevojshme:

• Njohuri të koncepteve, proceseve dhe mjeteve të menaxhimit të ciklit të projekteve, si dhe përvojë në udhëheqjen e proceseve pjesëmarrëse.
• Eksperiencë në zhvillimin, planifikimin dhe implementimin e sistemeve, procedurave dhe mjeteve të MEAL (Monitorim, Vlerësim, Llogaridhënie dhe Mësim).
• Njohuri dhe përvojë me metodat kuantitative dhe cilësore.
• Përvojë në mbledhjen dhe analizimin e të dhënave.
• Ndërgjegjësim dhe njohuri mbi çështjet etike të lidhura me MEAL, si "Do no harm".
• Njohja e gjuhës angleze është e domosdoshme.
• Njohja e Microsoft Office, Excel dhe SPSS është e domosdoshme.

Dispozitat përfundimtare:

OJQ "Zëri I Romëve Ashkalinjëve dhe Egjiptianëve" ofron mundësi të barabarta të punësimit për të gjithë shtetasit e Republikës së Kosovës.

Ne i inkurajojmë kandidatët nga komunitetet: Rom, Ashkali, dhe Egjiptian (vajzat/gratë) të aplikojnë për pozitën e shpallur.

Aplikimi realizohet përmes formës elektronike: [email protected]

Ju lutemi shënoni ne subjekt titullin e thirrjes!

Mos dorëzimi i plotë i dokumentacionit rezulton në mos pranimin e aplikacionit.

Për më shumë informata, ju mund të na kontaktoni në po të njejtin e-mail.

Afati i fundit për aplikimi është deri më datën 05/01/2024